Hugræn Endurforritun

Leið sem virkar!

Hugræn endurforritun er dáleiðslumeðferð sem opnar dyrnar að djúpum, lækningarmætti hugans. Í þessari einstöku meðferð er þú leidd(ur) inn í djúpa og róandi slökun þar sem hægt er að vinna með undirvitundina til að skapa jákvæðar og varanlegar breytingar.

Ég býð einnig upp á online tíma fyrir bæði börn og fullorðna þannig að ef þú kemst ekki til mín þá tökum við meðferðina á netinu sem er alveg jafn áhrifaríkt.

Þessi meðferð er ótrúlega góð til að bæta kvíða, ofsakvíða, fóbíur, króníska verki, einkenni kulnunar, mígreni, þunglyndi, ofnæmi, svefnvandamál, sjálfstraust, vefjagift, áföll, nikotín fíkn, fíkn í mat og áfengi ásamt fleiri andlega sem og líkamlega kvilla.

Dáleiðsla hentar einstaklingum frá cirka 6 – 8 ára aldri og eldri og getur verið sérstaklega áhrifarík fyrir börn, sem oft þurfa aðeins einn tíma til að takast á við t.d. kvíða eða vanlíðan. Vert er að taka fram að til þess að auðveldar breytingar eigi sér stað hjá börnum og ungmennum verða þau að vilja taka þátt í dáleiðslunni, það gerist lítið ef þau vilja ekki láta dáleiða sig. Meðferðin er aðlöguð að hverjum og einum, og það sem gerir hana sérstaka er að það er ekki nauðsynlegt að endurupplifa áföll til að vinna úr þeim. Þeir sem þiggja meðferðina þurfa heldur ekki að deila upplýsingum með dáleiðaranum nema þeir sjálfir kjósi það, þar sem öll vinna fer fram í þeirra eigin huga.

Ég, Jenný hjá Faðmi er klínískur dáleiðslumeðferðaraðili og sérfræðingur í Hugrænni Endurforritun og býð upp á tíma í þessari áhrifaríku dáleiðslumeðferð.
Verð fyrir Hugræna Endurforritun: 1. tími 30.000kr ( c. 2 klt meðferð í senn) 2. tími og tímar þar á eftir 25.000kr
Dáleiðslutími fyrir börn 45 -60 mín: 15.000 og ungmenni: 18.000kr (c. 1 – 1/2klt)

Bókanir og nánari upplýsingar á jenny@fadmur.is og í síma 6973991. Ég er með aðstöðu fyrir meðferðina í heimahúsi í Hafnarfirði eins og er.

Hér er hægt að lesa grein á Vísi þar sem Jenný ræðir Hugræna Endurforritun.

Hvernig virkar hugurinn okkar:
Hugurinn okkar skiptist í meðvitund og undirmeðvitund. Meðvitundin okkar er aðeins í kringum 5%, það er það sem við gerum meðvitað eins og ákveða að fara út að hlaupa 1x á dag í mánuð og undirvitundin sér svo um rest eða heil 95%. Undirvitundin stjórnar t.d. ósjálfráða taugakerfinu okkar, hjartslætti, meltingu, fight or flight responce og mikið mikið fleira. Þá geymir undirvitundin allar minningar, öll forritin sem við höfum safnað í gegnum ævina og neikvæðar fastar tilfinningar sem við upplifum við atburði og áföll. Við höfum ábyggilega öll upplifað það að ákveða eitthvað en svo er mjög erfitt að standa við það en það er vegna þess að meðvitundin 5% er í ”stríði” við 95% af huganum sem er mögulega ekki til í breytingarnar vegna gamalla forrita. Í dáleiðslu er auðvelt að vinna með undirvitundina og fá hana til að gera breytingar til hins betra.

Hvað er dáleiðsla:
Við förum í raun í dáleiðslu amk 2x á dag eða það sem er kallað Alpha heilabylgjur, bæði fyrst eftir að við vöknum og svo áður en við sofnum, einnig þegar okkur dagdreymir. Þegar við erum í Alpha ástandi eða dáleiðslu þá verður hugurinn einbeyttari að því sem við viljum vinna með og undirvitundin opin og þess vegna er svo gott að gera breytingar til hins betra í því ástandi. Dáleiðsla er í raun rangheiti þar sem við erum alveg vakandi en með einbeyttan huga þegar við eru í dáleiðsluástandi og getum gert það sem við viljum. Undirvitundin okkar býr yfir mögnuðum heilunar krafti sem við virkjum í dáleiðslu og það er svo ótrúlega mikið sem hægt er að vinna með. En því miður hefur fólk oft miklar ranghugmyndir um dáleiðslu, heldur að það geti fest í dáleiðslu eða að dáleiðandinn geti stjórnað dáleiðsluþeganum þannig að það vill ekki nota dáleiðslu til að hjálpa sér. Öll dáleiðsla er í raun sjálfsdáleiðsla, það er dáleiðsluþeginn sem vinnur vinnuna með hjálp dáleiðandans sem leiðir þessa vinnu áfram.

Hugræn Endurforritun meðferðin:

Er dáleiðslumeðferð sem Ingibergur skólastjóri hjá Dáleiðsluskóla Íslands þróaði. Þessi meðferð er mjög góð lausn við kvíða, þunglyndi, fælni og annars konar kvillum eða andlegri vanlíðan. Alla jafna er meðferðin svona eins og segir hér að neðan en hún er sérsniðin að hverjum og einum og tekur mið að því hvað vinna á með. Stundum þarf aðeins 1 tíma í hugrænni endurforritun (sem er um 2 klt) til þess að eyða orsökum kvíða og þunglyndis, fíknar, mígrenis og fleira. En stundum þarf fleiri oftast 2-3 tíma eftir hvers eðlis vandamálið er og hversu djúpt liggur á því.

Nýjustu rannsóknir í taugafræði og aðrar dáleiðslumeðferðir:
Hugræn endurforritun var þróuð með tiljsón af nýjustu rannsóknum í taugafræði og byggist á margra ára þróun og samþættingu annarra dáleiðslumeðferða. Við getum ímyndað okkur að á lífsleiðinni sé hugurinn að safna hinum ýmsu forritum. Sum þessara forrita eru neikvæð og í dáleiðslunni erum við að eyða þeim eins og við séum að endurforrita tölvu. Við höldum eftir góðu jákvæðu forritunum en eyðum þeim sem eru engan vegin að þjóna okkur og eru okkur bara til ama. Undirvitundin okkar man allt og veit hvaða forrit það eru sem við þurfum að losa út og í undirvitundinni okkar býr þessi ótrúlega sterki og magnaði kraftur sem getur bætt líf okkar til muna.

Náum sambandi við Innri Styrk:
Í byrjun meðferðar komum við á sambandi við okkar Innri Styrk sem hjálpar okkur að gera það sem þarf að gera í meðferðinni. Þetta kann að hljóma furðulega en fólki finnst þetta svo eðlilegt í meðferðinni þar sem styrkurinn okkar er jú partur af okkur. Það má segja að hugurinn okkar skiptist í tvennt þ.e. sjálfið og svo okkar innri styrkur sem sumir tengja við sem Kjarni, Innsæi eða jafnvel Sál. Í þessari meðferð tölum við beint við Innri Styrkinn okkar til að vinna með það sem á að laga. Í lokin er svo alltaf komið á tengingu við Innri Styrkinn svo meðferðarþeginn getir alltaf kallað á hann ef hann þarf á honum að halda.

Neikvæðum afritum eytt:
Í Hugrænni endurforritun er fyrst eitt neikvæðum afritum af öðru fólki eins og t.d. foreldrum okkar sem hafa stimplast í hugann okkar. Þetta getur verið í formi óvelkomna hugsana, og neikvæðni í eigin garð, t.d. ef að foreldri hefur mikið borið okkur saman við aðra eða ekki haft trú á okkur o.frv. og þá losum við okkur við þessi afrit af þeim sem sitja eftir í huganum okkar.

Neikvæðar tilfinningar eða orka:
Næst eyðum við neikvæðum tilfinningum sem fastar eru í líkamanum. Þetta eru tilfinningar sem valda kvíða, þunglyndi og vefjagigt, lágu sjálfsmati svo fátt eitt sé nefnt. Þessar föstu tilfinningar senda svo boð um að eitthvað ami að og valda t.d. reiði, kvíða og áfallastreitu röskun.

Álögum eytt:
Þá eru álögum eytt. Álög er það sem við köllum eitthvað sem takmarkar okkur í lífinu eða það sem kallast á ensku e. limiting believes. Álög myndast gjarnan þegar að einhver fullorðin segir eitthvað við okkur sem við förum svo að trúa sjálf, eins og ”það á aldrei eftir að verða neitt úr þér” og þá verður til forrit í undirvitundinni sem segir þér að það verði aldrei neitt úr þér og þú trúir því statt og stöðugt.

Skömm og þöggun:
Því næst eyðum við skömm sem situr í líkama og huga okkar. Okkur hefur kannski verið sagt að við ættum að skammast okkar eða okkur gert að finna fyrir skömm af einhverjum ástæðum og eftir situr hræðileg tilfinning sem skömmin er og við losum okkur við hana í meðferðinni. Einnig þöggun sem getur haft gríðarleg áhrif á okkur, að mega ekki segja okkar sannleika.

Tengingar, þræðir eða neikvæð orka:
Við ákveðin áföll eða erfiða atburði getur orðið til einhverjar tengingar, þræðir eða neikvæð orka í líkamanum okkar. Þetta getur verið að grassera okkur alls óafvitandi eða við getum fundið þetta í formi líkamlegra verkja og vefjagigtar til dæmis. Við losum okkur við þessar tengingar og þræði í meðferðinni.

Unnið með að losa meðferðarþega við það sem hann hrjáir:
Þegar að hingað er komið erum við búin að losa út margt og mikið úr huga meðferðarþegans og þá er unnið með þau vandamál sem dáleiðsluþeginn kemur með, sem eru margvísleg.

Regluverkið:
Svo er regluverk hugans er því næst skoðað. Við lærum mjög mikið fyrstu ár ævi okkar sem við munum kannski ekki og okkur eru settar reglur sem við förum ósjalfrátt eftir. Oft eru þessi regluverk neikvæð eða hafa neikvæð áhrif á okkur t.d. eins og að við verðum að klára af diskinum eða við fáum nammi í verðlaun þegar við gerum eitthvað rétt, sem síðar veldur ósjálfráðu vandamáli með mat. Oftar en ekki tekur uppeldið barnanna okkar mið af þessu regluverki sem að gerir okkur erfiðara fyrir að ala börnin upp eins og við viljum eða okkur þykir rétt að gera. En í hugrænni endurforritun þá eyðum við þessum reglum sem að við viljum ekki hafa eða breytum þeim.

Persónuþáttagreinin, þættir og persónuþættir:
Þættir hugans: Við nýjar aðstæður eða atburði búum við til það sem við köllum þætti í huganum okkar, með öðrum orðum, það verður til eitthvað nýtt í huganum við ýmsar aðstæður sem við köllum þættir. Þessir þættir geta orðið til þegar okkur vantar eitthvað til að takast á við í lífinu. Segjum sem svo að þú sért 8 ára og að flytja verkefnið þitt fyrir framan bekkinn þinn, einhver gerir grín að þér, þér líður illa og vilt bara forða þér. Þá getur orðið til þáttur í huganum sem að kemur fram í hvert sinn sem þú talar fyrir framan aðra, þessi þáttur reynir að forða þér frá aðstæðunum, lætur þig kvíða fyrir svo þú hættir við, fá hraðann hjartslátt og munnþurrk þegar þú ert byrjuð að tala svo þú hlaupir í burtu. Þessi þáttur er í raun bara 8 ára gamall og skilur ekki að þú sért orðin fullorðin og að það sé algjörlega hættulaust að tala fyrir framan aðra. Það eina sem hann vill gera er að forða þér úr aðstæðunum svo þú upplifir ekki þessa skömm sem þú fannst 8 ára gömul. Þetta er þáttur sem er alltaf til í huganum og poppar upp við ákveðnar aðstæður nema að þú vinnir í því að heila hann.

Persónuþættirnir okkar: Persónuþættirnir okkar geta verið frá 5-12 þættir sem skiptast á að vera við í daglegu lífi. Oftast urðu þeir til í barnæsku en líka þegar við erum fullorðin. T.d. getur orðið til þáttur sem heitir ”mamman” þegar við eignumst börn. Hún er ljúf og góð og veitir skilirðislausa ást, en er mögulega stundum þreytt og pirruð líka. Það eru nefninlega mismunandi þættir sem taka við stjórninni eftir hvað við erum að gera. Við getum ímyndað okkur rútu, það er einn bílstjóri og hinir persónuþættirnir eru aftur í, við ákveðnar aðstæður sest ákveðinn persónuþáttur sem sér um ákveðið verkefni í bílstjórasætið og hinn fer aftur í án þess að við gerum okkur grein fyrir því. Ég Jenný er t.d. með marga þætti, einn sem jógakennari, annar sem mamma og hinn sem vinkonan og fleiri. Með persónuþáttagreiningu fáum við þessa þætti til að hjálpa hvor öðrum og átta sig á að við erum ein og sama manneskjan. Við heilum þættina okkar og fáum að vita hvað þeim vantar og fáum þá til þess að vinna betur saman. ADHD einkenni hafa stundum minnkað eða jafnvel horfið við þessa meðferð þar sem þættirnir eru farnir að vinna saman.

Einstaklingsmiðuð meðferð:
Það er algerlega einstaklingsbundið hvernig meðferðin verður og hún tekur alltaf mið af því hvað er að hrjá meðferðarþegann. Stundum eru fleiri atriði tekin fyrir og öðrum sleppt fyrir sem bestan árangur. t.d. er persónuþáttagreining oftast ekki tekin í fyrsta tíma nema að það sé talið hjálpa vandamáli meðferðarþegans að gera það strax.

Í tengslum við meðgöngu og fæðingu:
Er hægt að nota Hugræna endurforritun til að hafa jákvæð áhrif á kvíða, stjórna sársauka og stuðla að ró í líkama og huga í fæðingunni sem og verkjum á meðgöngunni. Einnig frábær leið til að endurforrita úreld gildi og skoðanir sem við höfum fengið frá foreldrum okkar og koma með hreinan huga í uppeldið. Þá getur dáleiðsla hjálpað til við getnað ef að pör hafa átt erfitt með að verða ólétt (ef engin líkamleg orsök liggur fyrir).

Hægt er að bóka tíma og fá nánari upplýsingar á jenny@fadmur.is og í síma 6973991.

Nokkur af þeim fjölmörgu ummælum sem ég hef fengið varðandi Hugræna Endurforritun:

Dásamleg upplifun og í raun stórkostleg! Vá hvað er magnað að vera í raun vakandi en líða eins og í draumi og fara aftur í tímann – krefjandi en ein besta sjálfsvinna sem ég mæli innilega með. 

Ég fór til Jennýjar vegna þess að ég var mikið skömmuðog öskrað á í uppeldinu og var með frekar stóran poka af óuppgerðum hlutum sem að voru að aftra mér í að vera sem besta útgáfan af sjálfri mér gagnvart mínum börnum, en eftir tvo tíma í Hugrænni Endurforritun þá upplifði ég svo rosalegan mun á mér og enn í dag þremur mánuðum seinna er ég enn að finna hluti sem að eru hættir að hamla mér.

Ég var búin að fara til sálfræðinga og fara á allskonar námskeið í mörg mörg ár og eyða tugþúsundir í ýmisslegt sem að virkaði aldrei nógu vel. Ég fór í Hugræna Endurforritun hjá Jenný og ég vildi óska þess að mér hefði dottið það í hug fyrr! Þvílík breyting á líðan minni eftir einn tíma! Ég fékk einnig smá heimavinnu sem að gerði batann enn hraðari en ég ætla svo sannarlega að koma aftur og mæli hundrað prósent með fyrir alla sem vilja bæta líf sitt á einhvern máta

Ég hef núna farið í 3 tíma og hef fengið bata frá vefjagigt, óútskýrðum verkjum, þreytu og andlegu þroti, mæli svo sannarlega með að fara til Jennýar. Hún er með svo góða nærveru og manni líður einstaklega vel í stólnum hjá henni og finnur að maður getur treyst henni fullkomnlega. Ég hefði ekki trúað hversu vel mér líður eftir þessa tíma. Ég fann alltaf betri og betri mun eftir hvern tímann.

Ég hef farið í dáleiðslumeðferð en Hugræn Endurforritun er eitthvað annað! Hún tekur á svo mörgu og losar svo margt í einu að maður finnur frábæran mun eftir einn tíma. Ég var með kvíða og hann er bara farinn!