Frá því augnabliki sem líf kviknar, myndast einstakt samband milli barnsins og móðurinnar. Barnið treystir á móðurina fyrir næringu og súrefni í gegnum fylgjuna, en einnig fyrir tilfinningalegu jafnvægi. Allar tilfinningar og upplifanir móðurinnar hafa áhrif á barnið – þegar móðirin finnur fyrir ró og vellíðan, upplifir barnið það sama. Þess vegna er gjarnan sagt: „Það sem er gott fyrir móðurina, er gott fyrir barnið.“ Slökunarstaðan er sérstaklega ákjósanleg á meðgöngu, og það er ómetanlegt að gefa sér tíma á hverjum degi til að slaka á. Þetta námskeið býður þér einmitt þann dýrmæta tíma – fyrir þig og barnið – ásamt dýpri fróðleik og innri styrk.
Klikkaðu hér til að skrá þig: https://jenny-s-site-cb03.thinkific.com/courses/fridsael-faeding-namskeid
Hvort sem þú ert að leita að verkjalausri fæðingu, vilt draga úr kvíða og óöryggi, nærast andlega, eða einfaldlega skapa friðsælt rými fyrir hugann og líkamann á þessari einstöku vegferð, þá er þetta námskeið fyrir þig. Með áherslu á sjálfsstyrkingu, innri ró og fræðslu, færðu verkfæri til að takast á við meðgönguna og fæðinguna af yfirvegun og krafti. Þetta er tækifæri til að styrkja sjálfsöryggi þitt og undirbúa þig bæði líkamlega og andlega fyrir eitt af stærstu augnablikum lífsins. Gott er að byrja ekki seinna en 4 vikum fyrir settan dag. Það er hægt að taka þetta prógramm hvaðan af á landinu eða í heiminum sem er. Skráning á jenny@fadmur.is
Um hvað snýst Friðsæl Fæðing:
Friðsæl Fæðing er sérsniðin að hverri konu og stuðlar að því að konur eigi friðsæla og óttalausa fæðingu og meðgöngu með hinum ýmsu slökunar, öndunar og sjálfsdáleiðslu aðferðum sem róa huga og líkama í fæðingunni. Ávinningurinn getur einnig verið verkjalítil/laus fæðing. Við fáum tæki og tól til að æfa á meðgöngunni og þau verkfæri sem við fáum í hendurnar stuðla að því að við séum við stjórnvölin í okkar fæðingu, náum að halda huganum rólegum til að leyfa líkama okkar að vinna sitt verk og gera það sem hann kann 100% – þ.e. að fæða barn. Þetta gerum við meðal annars með því að hlusta á dáleiðsluslakanir og slökunaræfingar, æfa rétta öndun fyrir fæðinguna og lesa fróðleik. Svo síðast en ekki síst með aðferðum Hugrænnar Endurforritunar losum við undirvitundina algerlega við það forrit að fæðing sé sársaukamikil og eitthvað til að óttast og setjum upp forrit í hugann að fæðing sé friðsæl, dásamleg, sársaukalaus upplifun. Þetta allt saman stuðlar að því að eiga sem besta og friðsælasta fæðingarupplifun.
Prógrammið skiptist í tvo parta, hægt er að sleppa parti 2:
Partur 1: Verð 10:000kr (borgað við skráningu, færð rkn í heimabankann)
Innifalið í verði: Aðgangur að innra neti þar sem öll námskeiðsgögn eins og öndunaræfingar, slökunaræfingar, sjálfsdáleiðslur og fróðleikur er. Gott er að byrja ekki seinna en 4 vikum fyrir fæðingu til að æfa það sem farið er yfir í prógramminu en því fyrr því betra.
Partur 2: Verð 24:000 (borgað við bókun á tíma) Þessum parti er hægt að sleppa ef að ætlunin er að nýta aðeins námskeiðsgöng til lærdóms og vellíðunar á meðgöngu og í fæðingunni en mæli hiklaust með að taka ef að þú ert með kvíða gagnvart fæðingunni eða ef þú ert að leitast eftir verkjalausri fæðingu.
Innifalið í verði: Persónuleg sjálfsdáleiðslu upptaka af draumafæðingunni þinni. Tími hjá Jenný í Hugrænni Endurforritun (djúpslökun/dáleiðsla þar sem fjarlægð eru öll úrelt forrit um að fæðingar séu verkjamiklar og ómeðvitaðan ótta við fæðinguna) og leiðir til að minnka verki í fæðingu og tenging við innri styrk. Hægt er að taka þennan part hvar sem er í heiminum í gegnum google meet.
Uppbygging námskeiðsins:
1) Partur 1: Þegar þú skráir þig sendi ég aðgang að innra neti þar sem öll námskeiðsgögn eru sem þú og/eða stuðningsaðili getið byrja að nota strax. Þessi námskeiðsgögn innihalda t.d. Fróðleik fæðinguna og hvað er að gerast, mikilvægi jákvæðs hugar í fæðingunni, slökunaræfingar, öndunaræfingar sem eru dásamlegar í fæðingunni, sjálfsdáleiðslur, möntrur sem gott er að nota í fæðingunni, góð ráð á meðgöngu og í fæðingu svo eitthvað sé nefnt.
2) Partur 2: Þá bið ég mæður um að senda mér draumafæðingu sem ég bý til sjálfsdáleiðsluupptöku úr og sendi með emaili en hún er svona eins og andlegur undirbúningur fyrir undirvitundina til að fæða á sama máta og við ímyndum okkur á meðgöngunni. Svo er pantaður tími í Hugrænni Endurforritun hjá Jenný (jenny@fadmur.is) Og rúsínan í pylsuendanum er svo að verðandi móðir kemur í tíma til að fjarlægja öll neikvæð forrit og ótta um fæðingar, ásamt því að tengjast innri styrk sem við öll höfum og gagnast okkur vel í fæðingunni, einnig styrkjum við leiðir til að skrúfa niður verki í fæðingunni. (tekur c. 1 1/2 klt), ekkert mál að taka þennan tíma í gegnum netið fyrir þær sem ekki eiga heima á höfuðborgarsvæðinu.
Af hverju býr undirliggjandi ótti til verki?
Myndir þú trúa því ef ég segði við þig að fæðingar geta verið sársaukalitlar og ættu í raun að vera alveg sársaukalausar? Fæðingar eiga að vera náttúrulegar, fallegar og friðsælar! Lestu lengra og sjáðu um hvað málið snýst!
Náttúran ætlaðist aldrei til að fæðingar yrðu sársaukafullar, en af hverju eru þær þá stundum það verkjamiklar að konur segjast aldrei vilja gera þetta aftur? Það er vegna þess að við búumst við því að fæðingar séu verkjamiklar! Frá því við erum lítil börn er okkur sagt að fæðingar séu sársaukafullar og við erum í raun forrituð til þess að halda það að þetta sé versti sársauki sem við finnum á lífsleiðinni. Allar fæðingafræðslur miða að því að kenna hvaða leiðir er hægt að nota við sársauka, sjónvarpsþættir um fæðingar sýna sársaukamiklar fæðingar (annað væri varla spennandi) og svo heyrum við sögur frá vinkonum og öðrum sem að styrkir þetta forrit sem við höfum um að fæðingar séu sársaukafullar og þetta allt vekur hjá okkur meðvitað og ómeðvitað óttaviðbragð þegar að við finnum að fæðing er að byrja. Það er stressið, spennan og óttin við hríðarnar sem að gera þær verkjameiri og þessi forritun sem við verðum fyrir láta konuna kvíða fæðingunni eða gera hana stressaða og spennta í stað þess að hlakka til þessarar dásamlegu stundar.
Svona gerist þetta: Við finnum vanalega ekki fyrir fyrirvaraverkjum því við hræðumst þá ekki en í sama augnabliki og við áttum okkur á að fæðing sé að byrja þá heldur líkaminn að hríðin sé eitthvað til að hræðast, þá sendir hann boð upp í heila um að það sé eitthvað sem þarf að forðast sem sendir frá sér stresshormón og sársaukaboð til að hjálpa okkur að lifa af og til að fá okkur til að forðast aðstæðurnar, rétt eins og við værum með hendina á heitu helluborði og við upplifum sársauka til þess að forða hendinni í burtu. Þetta gerist einnig hjá konum sem að hafa ekki kviðið fæðingunni bara vegna þess að hún er með þetta forrit í undirvitundinni um að fæðingar séu sársaukamiklar.
Þetta fight or flight sársaukaboð er auðvitað gott þegar spurning er um líf eða dauða en er algerlega óþarft í fæðingunni þar sem að um svo náttúrulegan hlut er að ræða. Undirvitundin sér ekki hvort um er að ræða ótta við að bíll sé að keyra á okkur eða hvort þetta boð sé útaf fæðingunni, það sendir þetta boð um fight og flight sama hvað. Stressviðbragð hefur þau áhrif á fæðandi konu að líkaminn sendir þessi sársaukaboð af þvi við erum forrituð til að hræðast fæðingar því þær eiga að vera svo verkjamiklar að um leið og við áttum okkur á að við séum með hríðar þá fara boðin af stað og við upplifum meiri og meiri verki.
Hefur þú heyrt af konunni sem fæddi barn þegar hún var í dái? Hugurinn hennar stóð ekki í vegi fyrir því að líkaminn gæti unnið sitt verk og hún fæddi heilbrigt barn án nokkurra inngripa og án þess að remba barninu í heiminn, það bara fæddist af því kvennlíkaminn er hannaður til þess og kann að fæða, en oftar en ekki er það hugurinn okkar sem þvælist fyrir.
Það er að sjálfsögðu ekki hægt að lofa verkjalausri fæðingu sem margar þó upplifa en hægt er að lofa því að upplifunin af fæðingunni verður betri, hríðarnar viðráðanlegri og fæðingin dásamlegri fyrir vikið eftir að hafa stundað þetta prógramm. Í besta falli verður fæðingin laus við verki. Í versta falli ertu búin að læra að róa hugann og líkamann, stuðla að því að taugakerfi þitt og barnsins sé rólegt og að þú ferð friðsæl inn í fæðinguna með tæki og tól til að notast við bæði í fæðingunni og eftir að barnið er komið í heiminn. Það er engu að tapa, verðandi foreldrar munu alltaf gagnast af því að stunda þessar æfingar fyrir komu barnsins. Og móðirin fær tíma í Hugrænni Endurforritun sem losar hana við neikvæð forrit um fæðingar og úreld gildi og skoðanir um uppeldi sem við höfum fengið frá samfélaginu og foreldrum okkar.
Hvað er Hugræn endurforritun:
Það er djúpslökunar aðferð (dáleiðsluaðferð) þar sem við vinnum með undirvitundinni við að taka út neikvæð forrit og neikvæðar tilfinningar, ásamt því að losa meðferðaþegann algerlega við ákveðin vandamál. Þess má geta að Hugræn Endurforritun hefur einnig gefist vel við ógleði á meðgöngu, ófrjósemisvanda (þar sem líkamleg orsök er ekki vandinn) og við ýmsum verkjum og kvillum sem við finnum fyrir á meðgöngunni.
Ásamt því að kenna meðgöngujóga og meðgöngusund ofl er Jenný eignandi og kennari Faðms einnig klínískur dáleiðslumeðferðaraðili og sérfræðingur í Hugrænni Endurforritun og var þetta námskeið þróað út frá reynslu Jennýjar á þessu sviði.
Nokkur orð frá mér Jenný hjá Faðmi til verðandi mæðra: ”Ég vildi óska að þetta námskeið hefði verið til sérstaklega þegar ég var að ganga með mitt þriðja barn. Á ,meðgöngunni gat ég varla gengið vegna verkja í lífbeini . Ég óttaðist fæðinguna og var með kvíða á meðgöngunni þar sem að mér var sagt að verkirnir í lífbeininu yrðu verri í fæðingunni. Sem síðan var svo fjarri lagi og ég fann ekki fyrir neinu í fæðingunni. Fæðingin gekk dásamlega vel og ég sá eftir á að óttinn sem ég upplifði á meðgöngunni var algerlega óþarfur! Sem hann er í flestum tilfellum! Ég veit að þetta námskeið hefði hjálpað mér svo mikið til að losa mig við þennan ótta. Ég vil að öllum konum líði sem allra best á meðgöngum sínum og í fæðingunni og er það ástæðan fyrir að ég fór þessa leið að kenna verðandi mæðrum jóga/sund, fór að læra meðferðardáleiðarann og þróaði þetta prógramm. Ef þú vilt frekari upplýsingar um námskeiðið eða ert með vanlíðan af einhverju tagi endilega hafðu samband, það er alltaf hægt að líða betur <3 jenny@fadmur.is / 6973991
Ummæli um prógrammið
Ég ákvað að taka Friðsæla Fæðingu og mæli svo mikið með! Ég fann fyrir smá kvíða þegar ég hugsaði um fæðinguna mína og hræddist það hvernig hún myndi fara en eftir að hafa verið í námskeiðinu í nokkra daga fann ég strax mikinn mun á líðan minni, ég fór að tengjast barninu mínu betur og hlakka til fæðingarinnar og hugsa um fæðinguna sem fallega stund sem ég ætti með barninu mínu og manninum mínum. Fæðingin var krefjandi en ég var með friðsælan huga allan tímann sem kom mér í gegnum fæðinguna.
Ég fór á Friðsæl Fæðing námskeiðið hjá Jenný þar sem ég hafði alltaf verið frekar kvíðinn/hrædd fyrir fæðingu og öllu sem því fylgir.
Námskeiðið hafði mjög góð áhrif á mig þar sem ég náði að tengjast mínum innri styrk og ró sem var eitt það mikilvægasta í fæðingunni og ég fann hvorki fyrir hræðslu né kvíða. Á námskeiðinu nær maður að æfa góða slökun með hugleiðslum og mér fannst frábært að fara til Jennýar í dáleiðslu þar sem hún hjálpaði mér að kalla fram minn innri styrk. Ég tók oft hugleiðslur í baði og náði því að tengja slökunina vel inn í fæðinguna þar sem ég vissi að mig langaði að vera sem mest í baði.
Námskeiðið er líka mjög gott til þess að fara yfir með maka og sýna honum hvernig maður vill láta styðja/tala/ við sig á meðan á fæðingunni stendur.
Ég er svo þakklát fyrir að ég hafi tekið þetta prógramm þó að ég hafi ekki kviðið sérstaklega fyrir neitt, þetta styrkti hugann til muna og ég notaði dáleiðslurnar til að slaka vel á á hverjum degi því eins og Jenný segir þá slökunar staðan sú mikilvægasta á meðgöngunni. Ég fann í fæðingunni hvað þetta námskeið hjálpaði mér mikið, ég átti yndislega fæðingu vegna þess að ég var buin að læra öll tólin og tækin sem eru að finna í námskeiðinu.