Mömmujóga – tengslamyndandi námskeið! Flestir hafa heyrt hvað meðgöngujóga er mikilvægt heilsu móðurs á meðgöngu og í fæðingu en ekki er lögð næg áhersla á hvað jóga getur gert dásamlega hluti fyrir líkamann og andlegu hliðina eftir að litla kraftaverkið er komið í heiminn. Í mömmujóga er aðaláherslan á að koma móðurinni í gott líkamlegt og andlegt form með æfingum og stöðum svo hún getir verið besta útgáfan að sjálfum sér þegar hún tekst á við krefjandi en yndislegt móðurhlutverkið. Við munum gera æfingar til að koma miðjunni okkar og grindarbotninum í gott stand og einnig einbeyta okkur að litlu krílunum okkar og gerum skemmtilegar æfingar með þeim, dönsum og syngjum saman og förum í ungbarnanudd. Tímarnir eru frábær fyrsta hreyfing eftir fæðinguna og er góð leið til að tengjast barninu okkar.
Gott er að byrja eftir að barnið verður 6 -8 vikna (eða þegar að móðir treystir sér til) og þangað til það er byrjað að skríða um. Eins og er býður Jenný aðeins upp á einkatíma í mömmujóga og þá er áhersla á það sem móðirin þarf að huga að hverju sinni. Einnig er möguleiki á að tvær eða fleiri geti skráð sig saman. Skráning á jenny@fadmur.is
”Mömmujógað hjá Faðmi uppfyllti allar mínar væntingar. Notalegt andrúmsloft, góðar æfingar fyrir mömmulíkamann og styrkti tengslin við barnið.”
”Mömmujógað er svo dásamlegt að mæta á með litla krílið sitt. Alltaf svo vel tekið á móti okkur og æfingarnar æðislegar til að létta á vöðvabólgu í brjóstagjöf 👌 mæli svo ótrúlega með jóga hjá Jenný, hún er frábær kennari og með einstaka nærveru.”